شطرنج میں گجرات کے گاندھی نگر کے گفٹ سٹی کلب میں بھارت کی دویا دیشمکھ نے بلغاریہ کی Beloslava Krasteva کو آخری دور میں ہرا کر لڑکیوں کی عالمی جونیئر چیس چمپئن شپ جیت لی ہے۔
اعلیٰ درجے کی کھلاڑی دویا نے محض 26 چالیں چل کر دسویں راؤنڈ میں Krasteva کو ہرا کر 20 سال سے کم عمر کا اپنا پہلا خطاب جیتا۔ دویا کو اس چمپئن شپ میں ایک بھی مقابلے میں شکست سے دوچار نہیں ہونا پڑا اور انہوں نے اپنے 9 مقابلے جیتے جبکہ دو مقابلے برابری پر ختم ہوئے۔