دلی ہائیکورٹ نے کہا ہے کہ وزیراعلیٰ اروند کجریوال کو ضمانت دینے کے، نچلی عدالت کے حکم پر اُس وقت تک عمل نہیں کیا جائے گا، جب تک کہ وہ انفورسمنٹ ڈائریکٹوریٹ کی اس درخواست پر سماعت نہیں کرلیتا، جس میں مبینہ ایکسائز گھوٹالے سے متعلق، کالے دھن کو جائز بنانے کے کیس میں اُنھیں راحت دئیے جانے کو چیلنج کیا گیا ہے۔ انفورسمنٹ ڈائریکٹوریٹ ED نے جسٹس سدھیر کمار جین اور رویندر دُدیجا پر مشتمل ایک بینچ کے سامنے، نچلی عدالت کے حکم کو چیلنج کرنے والی اپنی اس درخواست کو، فوری سماعت کی اہل درخواست بتایا ہے۔ بینچ نے کہا کہ اس کیس کی فائل جلد ہی اس کے پاس آجائے گی اور وہ اس معاملے کی سنوائی کرے گی۔ ہائیکورٹ نے کہا کہ تب تک نچلی عدالت کے اس حکم پو کوئی کارروائی نہیں ہوگی۔x