دلی کے لیفٹیننٹ گورنر ونے کمار سکسینہ نے عام آدمی پارٹی کے کنوینر اور دلی کے سابق وزیراعلی اروند کیجریوال کے خلاف اُس ایکسائز پالیسی معاملے میں مقدمہ چلانے کی منظوری دے دی ہے جو اب منسوخ کردی گئی ہے۔ ای ڈی نے ایکسائز پالیسی کو تیار کرنے اور اُس کے نفاذ میں مبینہ بے ضابطگیاں پائے جانے کے بعد اِس ماہ کے شروع میں جناب کیجریوال کے خلاف مقدمہ چلانے کی خاطر لیفٹیننٹ گورنر کی اجازت مانگی تھی۔

سوشل میڈیا کی ایک پوسٹ پر دلی کی وزیراعلی آتشی نے کہا ہے کہ یہ خبر محض لوگوں کو گمراہ کرنے اور معاملات سے اُن کا دھیان ہٹانے کیلئے پھیلائی جارہی ہے۔ اُنھوں نے کہا کہ اگر اس طرح کی اجازت دی گئی ہے تو ای ڈی کو اس سے متعلق منظوری کو عوام کے سامنے لانا چاہئے تھا۔

دلی بی جے پی کے سربراہ وریندر سچدیوا دلی کے لیفٹیننٹ گورنر کے فیصلے کا خیرمقدم کیا ہے اور کہا ہے کہ اس سے اس بات کی عکاسی ہوتی ہے کہ جناب کیجریوال مبینہ طور پر بدعنوانی میں ملوث ہیں۔ X