دلی پولیس نے اولڈ راجندرنگر کے اس کوچنگ انسٹی ٹیوٹ کے مالک اور کو آرڈی نیٹرکو حراست میں لے لیا ہے، جس کے بیس منٹ میں پانی بھرجانے سے سول سروسز کے تین امیدواروں کی موت ہوگئی تھی۔ ڈی سی پی سینٹرل، ایم ہرش وردھن نے کہا کہ اس سانحے میں دو خاتون اور ایک مرد امیدوار ہلاک ہوئے ہیں اور ان کی لاشوں کو قانونی پوسٹ مارٹم کے لئے بھیج دیا گیا ہے۔ انہوں نے یہ بھی کہا کہ تہہ خانے میں پانی نکالنے کا کام مسلسل جاری ہے۔

دلی سرکار نے اس حادثے کی مجسٹریٹ کے ذریعہ تفتیش کئے جانے کا حکم دے دیا ہے۔ اس سلسلے میں ایک کیس درج کیا گیا ہے اور چھان بین جاری ہے۔

دلی کے آگ پر قابو پانے والے محکمے نے بتایا ہے کہ کوچنگ انسٹی ٹیوٹ میں پانی بھرجانے اور کچھ افراد کے اس میں پھنسے ہونے کے بارے میں کل شام سات بجے کے قریب کال موصول ہوئی تھی۔  ××