دلّی ہائی کورٹ نے جسٹس یشونت ورما سے فوری طور پر عدالتی کام کاج واپس لے لیا ہے۔ اُن کی سرکاری رہائش گاہ پر آگ لگنے کے بعد مبینہ طور پر بڑی نقد رقم ملنے کے پس منظر میں یہ قدم اٹھایا گیا ہے۔ اِدھر سپریم کورٹ نے جسٹس ورما کی رہائش گاہ پر مبینہ طور پر نقد رقم ملنے کے تعلق سے ہفتے کے روز ایک انکوائری رپورٹ اَپ لوڈ کی تھی، جس میں کچھ تصویریں اور ویڈیو بھی شامل ہیں۔ دلّی ہائی کورٹ کے چیف جسٹس ڈی کے اُپادھیائے نے یہ انکوائری رپورٹ تیار کی ہے۔ بھارت کے چیف جسٹس سنجیو کھنہ کو پیش کی گئی اپنی رپورٹ میں جسٹس اُپادھیائے نے یہ نتیجہ اخذ کیا ہے کہ مذکورہ واقعے کی تفصیلی چھان بین کی ضرورت ہے۔ x