دلّی این سی آر میں ہوا کے معیار میں مسلسل گراوٹ آرہی ہے۔ آج صبح ہوا کے معیار کا اشاریہ 373 ریکارڈ کیا گیا۔ خطے میں ہوا کا معیار بہت خراب زمرے میں ہے۔ آلودگی کی روک تھام کے مرکزی بورڈ CPCB کے ڈاٹا کے مطابق شہر کے کچھ حصوں میں ہوا کے معیار کا اشاریہ 400 کے نشان کو پار کرگیا، جو کہ انتہائی خراب زمرے میں آتا ہے۔
آنند وہار میں ہوا کے معیار کا اشاریہ 433 ریکارڈ کیا گیا، روہنی میں 409، پنجابی باغ میں ہوا کے معیار کا اشاریہ 404 اور آر کے پورم میں 393 ریکارڈ کیا گیا۔ بوانا اسٹیشن میں ہوا کے معیار کا اشاریہ 408 تک پہنچ گیا۔
محکمہ موسمیات نے پیش گوئی کی ہے کہ اگلے دو سے تین دن کے دوران دلّی اور این سی آر میں رات اور صبح کے اوقات کے دوران دھواں اور دھند چھائے رہنے کا امکان ہے۔