دلّی اسمبلی انتخابات کیلئے انتخابی مہم زور و شور سے جاری ہے اور مختلف پارٹیوں کے امیدوار ووٹروں کو راغب کرنے کی خاطر ہر ممکن کوشش کر رہے ہیں۔ حکمراں عام آدمی پارٹی، BJP اور کانگریس کے ساتھ دیگر پارٹیوں کے امیدواروں اور آزاد امیدواروں نے آج پدیاترا اور چناوی میٹنگیں کیں۔
عام آدمی پارٹی کے سینئر لیڈر اور پنجاب کے وزیر اعلیٰ بھگونت مان نے آج شکور بستی میں ایک روڈ شو کیا۔ BJP کے سینئر لیڈر اور ہریانہ کے وزیر اعلیٰ نائب سنگھ سینی نے آج پٹیل نگر، شالیمار باغ اور راجیندر نگر اسمبلی حلقوں میں عوامی میٹنگیں کیں۔ رکنِ پارلیمنٹ پپو یادو نے کانگریس امیدوار کی حمایت میں بادلی اسمبلی حلقے میں ایک عوامی میٹنگ کی۔BJP نے آج اپنے سنکلپ پَتر کا دوسرا حصہ جاری کیا۔ دلّی اسمبلی انتخابات کے تحت ووٹنگ، آئندہ ماہ کی 5 تاریخ کو ہوگی اور ووٹوں کی گنتی 8 تاریخ کو کی جائے گی۔