خواتین کے ٹی ٹوئنٹی کرکٹ عالمی کپ میں آج شام انگلینڈ کا مقابلہ جنوبی افریقہ سے ہوگا۔ گروپ بی کا یہ میچ شارجہ میں بھارتی وقت کے مطابق ساڑھے سات بجے کھیلا جائے گا۔ کل بھارت نے دبئی میں پاکستان سے 6 وکٹ سے جیت حاصل کرکے سیمی فائنل کے لیے اپنی امیدیں برقرار رکھی ہیں۔ بھارت کو 106 رن کا نشانہ ملا تھا، جسے اس نے سات گیند پہلے ہی حاصل کر لیا تھا۔ ارون دھتی ریڈی کو تین وکٹ لینے پر میچ کا بہترین کھلاڑی قرار دیا گیا تھا۔ بھارت کا بدھ کو سری لنکا سے مقابلہ ہوگا۔ جبکہ اتوار کو وہ موجودہ چمپئن آسٹریلیا کے خلاف کھیلے گا۔