خارجہ سکریٹری وِکرم مسری آج سے بھوٹان کے دو روزہ سرکاری دورے پر رہیں گے۔ خارجہ سکریٹری کا عہدہ سنبھالنے کے بعد اُن کا یہ پہلا غیر ملکی دورہ ہے۔ اپنے دورے میں جناب مسری بھوٹان کے شاہ سے ملاقات کریں گے۔ وہ بھوٹان کے وزیراعظم، وزیرخارجہ اور غیر ملکی تجارت کے وزیر، بھوٹان کے اپنے ہم منصب اور بھوٹان کی شاہی حکومت کے دیگر سینئر عہدیداران سے بھی ملاقات کریں گے۔ دونوں ملکوں کے خارجہ سکریٹری بھارت-بھوٹان کی ترقی سے متعلق اشتراک پر بات چیت کی مشترکہ طور پر صدارت بھی کریں گے۔ وزارت خارجہ نے کہا ہے کہ یہ دورہ بھارت اور بھوٹان کے درمیان اعلیٰ سطح کے مسلسل رابطوں کی روایت سے مطابقت رکھتا ہے اور پڑوس مقدم کی حکومت کی اعلیٰ ترین ترجیح کو اُجاگر کرتا ہے۔