حکومت نے سبھی سرکاری ویب سائٹوں اور ڈیجیٹل پلیٹ فارم میں یکسانیت لانے کے لیے آجDigital Brand Identity Manual جاری کیا۔ الیکٹرانکس اور انفارمیشن ٹکنالوجی کے وزیر مملکت جتن پرساد نے نئی دلی میں اِس کا اجراء کیا۔ اِس موقع پر اظہار خیال کرتے ہوئے جناب پرساد نے کہا کہ وزیر اعظم نریندر مودی کی قیادت میں بھارت، آئی ٹی سپر پاور کے طور پر ابھر رہا ہے۔ انہوں نے اعتماد ظاہر کیا کہ یہ گرانقدر پہل، ملک کے ڈیجیٹل ایکو نظام کو مستحکم کرے گی اور ٹکنالوجی میں اختراع کو فروغ دے گی۔ Digital Brand Identity Manual، ایک جامع دستاویز ہے، جو حکومت کی منفرد ضروریات کو پورا کرنے کی خاطر حکومت کے ڈیجیٹل پلیٹ فارمس کے درمیان ڈیجیٹل پہچان قائم کرے گا۔ اِس کا مقصد، متن اور خدمات کی آسان تلاش کے لیے شہریوں کے درمیان رابطوں کو ممکن بنانے کے لیے ڈیجیٹل ہم آہنگی کو یقینی بنانا ہے۔