حکومت نے سرکاری سیکٹر کی بیمہ کمپنیوں کو حکم دیا ہے کہ وہ کیرالہ میں مٹی کے تودے کھسکنے کے سانحے کے متاثرین کی ہر ممکن مدد کریں تاکہ بیمہ کے دعوؤں پر تیزی کے ساتھ کارروائی اور رقوم کی ادائیگی کی جاسکے۔ مرکزی وزارت خزانہ نے کہا کہ لائف انشورنش کارپوریشن LIC سے کہا گیا ہے کہ وہ PM Jeevan جیوتی بیمہ یوجنا کے تحت بیمہ پالیسی کے حامل افراد کو دعوؤں کی رقم کو تیزی سے تقسیم کرے۔ وزارت نے کہا کہ دعوؤں سے متعلق کارروائی کیلئے درکار دستاویزات میں جامع طور پر نرمی کی گئی ہے تاکہ دعوے کی رقم کی تیزی سے ادائیگی کو یقینی بنایا جاسکے۔ بیمہ کمپنیوں نے مختلف وسیلوں سے اپنے پالیسی ہولڈرس تک پہنچنے کیلئے کوششیں شروع کر دی ہیں تاکہ وائناڈ، Palakkad، کوزی کوڈ، ملّا پورم اور تھریسور ضلعوں میں مدد کیلئے رابطے کی تفصیلات فراہم کی جاسکے جہاں کافی تعداد میں بیمہ سے متعلق دعوے کیے جا رہے ہیں۔