حکومت، پارلیمنٹ کے سرماہی اجلاس سے قبل اس مہینے کی 24 تاریخ کو ایک کُل پارٹی میٹنگ منعقد کرے گی۔ اس میٹنگ کی صدارت وزیر دفاع راجناتھ سنگھ کریں گے۔ میٹنگ میں حکومت اس بات کو یقینی بنانے کے لیے تمام سیاسی پارٹیوں کی حمایت حاصل کرے گی کہ اجلاس کے دوران لوک سبھا اور راجیہ سبھا کی کارروائی معمول کے مطابق جاری رہے۔ پارلیمنٹ کا سرماہی اجلاس اس مہینے کی 25 تاریخ سے شروع ہوگا اور 20 دسمبر تک جاری رہے گا۔ البتہ 26 نومبر کو یومِ آئین تقریب کے موقع پر پارلیمنٹ کا اجلاس نہیں ہوگا۔