جھارکھنڈ میں پہلے مرحلے کے اسمبلی انتخابات اور مہاراشٹر میں ایک ہی مرحلے میں کرائے جانے والے انتخابات کیلئے چناؤ مہم میں تیزی آگئی ہے۔ مختلف سیاسی پارٹیوں کے رہنما چناؤ مہم میں زور و شور سے حصہ لے رہے ہیں۔
جھارکھنڈ میں پہلے مرحلے کے اسمبلی انتخابات کیلئے پولنگ اِس ماہ کی 13 تاریخ کو کرائی جائے گی۔
وزیر دفاع اور بی جے پی کے سینئر رہنما راجناتھ سنگھ نے کَل رانچی میں لوہارڈگّا میں ایک عوامی ریلی سے خطاب کیا۔ انہوں نے خاص طور پر کہاکہ جھارکھنڈ کی تشکیل بی جے پی کی قیادت والی حکومت کے دوران ہوئی تھی، جس کا اصل مقصد اِس ریاست کو ترقی کا ایک نمونہ بنانا تھا۔
اترپردیش کے وزیراعلیٰ یوگی آدتیہ ناتھ نے بھی Koderma میں ایک انتخابی میٹنگ سے خطاب کیا۔
انہوں نے جھارکھنڈ مکتی مورچہ کے سینئر رہنما اور وزیراعلیٰ ہیمنت سورین پر، ریاست کو برباد کرنے کا الزام لگایا اور کہاکہ انتخاب ہی حکومت کو تبدیل کرنے کا صحیح وقت ہے۔
کانگریس صدر ملکا ارجن کھڑگے نے ہزاری باغ کے مانڈو آئی این ڈی آئی اے بلاک کے حق میں ووٹ دینے کی اپیل کی جبکہ سینئر JMM رہنما ہیمنت سورین نے بھی پوری ریاست میں بہت سے جلسوں سے خطاب کیا۔
جھارکھنڈ میں دوسرے مرحلے کے انتخابات کیلئے پولنگ اِس ماہ کی 20 تاریخ کو کرائی جائے گی۔