جھارکھنڈ میں ہیمت سورین سرکار نے اکثریت کی آزمائش میں اسمبلی میں اعتماد کا ووٹ حاصل کرلیا ہے۔ جھارکھنڈ مکتی مورچے کی زیر قیادت اتحاد کے 45 ارکان اسمبلی نے اعتماد کی تحریک کے حق میں ووٹ دیا۔
اِس سے قبل وزیر اعلیٰ ہیمت سورین نے اسمبلی میں اعتماد کی تحریک پیش کی، جس پر بحث ہوئی۔ بحث کے بعد ووٹنگ کے دوران اپوزیشن نے ہنگامہ آرائی کی اور سورین سرکار کے خلاف نعرے لگائے۔ اعتماد کی تحریک پر ووٹنگ کے بعد اسمبلی کی کارروائی غیر معینہ عرصے کیلئے ملتوی کردی گئی۔
مبینہ آراضی گھپلے سے وابستہ منی لانڈرنگ کیس میں ضمانت ملنے کے ایک ہفتے کے اندر 48 سالہ ہیمنت سورین کو اِس مہینے کی 4 تاریخ کو حلف دلایا گیا تھا۔
وزیروں کو حلف دلائے جانے کی تقریب آج ہی ہونے کی امید ہے۔ توقع ہے کہ کچھ نئے وزیر کابینہ میں شامل کئے جائیں گے۔