جَن جاتی Sanskritik سماگم کے تحت آج پریاگ راج مہا کمبھ میں جَن جاتیہ یووا کمبھ منعقد کیا گیا۔ اِس یووا کمبھ میں ملک بھر کے 8 ہزار سے زیادہ قبائلی نوجوانوں نے شرکت کی۔ اس موقع پر اظہار خیال کرتے ہوئے قبائلی امور کے مرکزی وزیر مملکت دُرگا داس Uikey نے نوجوانوں پر زور دیا کہ وہ سماجی ہم آہنگی کے تئیں کام کریں اور ملک کو خود کفیل بنائیں۔ ہمارے نامہ نگار نے خبر دی ہے کہ اِس پروگرام کے دوران مختلف ریاستوں کے اُن 25 نوجوانوں کو انعام سے سرفراز کیا گیا، جنہوں نے قبائلی برادری کیلئے بہترین کام کیے ہیں۔
بھارت، تقریباً 11 کروڑ درج فہرست قبائلی آبادی کا وطن ہے، جس سے ملک کی مالامال اور قبائلی ورثے کی عکاسی ہوتی ہے۔ یووا کمبھ کے دوران نوجوانوں نے قبائلیوں کی ثقافت اور روایات کا تحفظ کرنے کا عہد لیا۔ آکاشوانی نیوز سے بات کرتے ہوئے کمبھ میں حصہ لینے والے ایک نوجوان نے کہا کہ وہ قبائلی برادری کو بااختیار بنانے اور خود کفیل بھارت کیلئے کام کریں گے۔ اکھل بھارتیہ Vanwasiکلیان آشرم کے قومی صدر ستیندر سنگھ نے کہا کہ کل شوبھا یاترا نکالی جائے گی اور قبائلی برادری کے لوگ تروینی سنگم میں پوتر ڈبکی لگائیں گے۔ ملک بھر کے 120 ثقافتی رقص پیش کرنے والے گروپ، کل سے مہا کمبھ میں اپنے روایتی فن کا مظاہرہ بھی کریں گے۔