جنوب مغربی خلیج بنگال کے اوپر ہوا کا گہرا دباؤ شمال مغرب کی جانب پیش قدمی کر رہا ہے اور آج صبح یہ اُسی علاقے میں مرکوز تھا اور اب یہ ناگاپٹنم، پڈوچیری اور چنئی کے قریب آ رہا ہے۔ اس وقت یہ ناگاپٹنم سے تقریباً 310 کلومیٹر، پڈوچیری سے جنوب مشرق میں 360 کلومیٹر اور چنئی کے جنوب مشرق میں 400 کلومیٹر کے فاصلے پر ہے۔ محکمہئ موسمیات کے مطابق، امکان ہے کہ ہوا کا یہ گہرا دباؤ اگلے تین گھنٹوں میں ایک سمندری طوفان میں تبدیل ہوجائے گا۔ یہ شمال کی طرف بڑھتے ہوئے کل دوپہر کے وقت پڈوچیری کے قریب مہابلی پورم اور کاری کال کے درمیان ساحل کو پار کرسکتا ہے۔ جاری وارننگ میں کہا گیا ہے کہ ساحل کو پار کرنے کے دوران ہوا کی رفتار 70 سے 80 کلومیٹر فی گھنٹہ رہے گی۔ ہوائیں 90 کلومیٹر فی گھنٹہ کی رفتار سے چل سکتی ہیں۔x