جموں و کشمیر میں سری نگر ضلعے کے زبروان جنگلاتی علاقے اور شمالی کشمیر میں بارہمولہ ضلعے کے سوپور علاقے میں دہشت گردوں کے خلاف مشترکہ کارروائی جاری ہے۔
کشمیر زون کے پولیس ترجمان نے بتایا کہ سری نگر کے مضافات میں آج صبح سکیورٹی فورسز اور دہشت گردوں کے درمیان تصادم شروع ہوا۔ البتہ اِس علاقے میں ابھی تک کسی کے ہلاک یا زخمی ہونے کی کوئی اطلاع نہیں ملی ہے۔
اِدھر فوج کی چِنار کور کے ترجمان نے بارہمولہ ضلعے کے راج پورہ سوپور کے علاقے میں جاری کارروائی میں ایک نامعلوم دہشت گرد کے ہلاک ہونے کی تصدیق کی ہے۔ علاقے میں تلاش کی کارروائی جاری ہے۔ مزید تفصیلات کا انتظار ہے۔ x