جموں وکشمیر کے راجوری ضلعے میں آج لائن آف کنٹرول کے پاس ایک حادثاتی دھماکے میں کم سے کم چھ فوجی جوان زخمی ہوگئے۔ آکاشوانی جموں کے ہمارے نامہ نگار نے بتایا ہے کہ معمول کی ایک گشت کے دوران، فوج کے ایک دستے نے اچانک ایک بارودی سرنگ پر پیر رکھ دیا، جس کی وجہ سے یہ دھماکہ ہوا۔ یہ حادثہ راجوری ضلعے کے نوشیرا علاقے میں بھوانی سیکٹر کے مکری علاقے میں پیش آیا۔اِس حادثے میں چھ فوجی زخمی ہوگئے جنھیں علاج کیلئے فوری طور پر راجوری کے ’150 جنرل اسپتال‘ منتقل کردیا گیا۔خبروں کے مطابق سبھی فوجیوں کی حالت مستحکم بتائی جاتی ہے کیونکہ اِنھیں معمولی چوٹیں آئی ہیں۔ تفصیلات کا انتظار ہے۔