جموں وکشمیر میں موسمیات کے محکمے نے مرکز کے زیر انتظام علاقوں کے زیادہ تر حصوں میں 10 فروری تک رُک رُک کر بارش اور برفباری کی پیشگوئی کی ہے۔ موسمیات کے محکمے نے کہا ہے کہ آج عام طور پر مطلع ابر آلود رہنے کا امکان ہے اور ساتھ ہی شام سے لے کر رات تک بلند بالا مقامات پر ہلکی بارش اور برفباری کے ساتھ آسمان ابر آلود رہنے کا امکان ہے۔ موسمیات کے محکمے نے مزید کہا ہے کہ چار اور پانچ فروری کے بیچ ہلکی اور اوسط بارش نیز برفباری کے ساتھ عام طور پر گھٹا چھائے رہنے کا امکان ہے۔