جموں وکشمیر میں لیفٹیننٹ گورنر منوج سنہا نے جموں وکشمیر نیشنل کانفرنس قانون ساز پارٹی کے لیڈر عمرعبداللہ کو جموں وکشمیر میں نئی حکومت کی تشکیل کی دعوت دی ہے۔ مختلف سیاسی پارٹیوں کی جانب سے حمایت کے خطوط کے بعد یہ دعوت دی گئی ہے، جس میں ڈاکٹرفاروق عبداللہ اور جموں وکشمیر پردیش کانگریس کمیٹی، CPIM، عام آدمی پارٹی کے ممبران اور کئی آزاد ممبران اسمبلی شامل ہیں۔ اپنے خط میں جناب سنہا نے عمرعبداللہ کے اتفاق رائے سے منتخب کئے جانے پر خوشی کا اظہار کیا ہے اور 16 اکتوبر بدھ کے دن صبح ساڑھے گیارہ بجے اُنہیں عہدے اور رازداری کا حلف دلائے جانے کی تصدیق کی ہے۔