جموں وکشمیر میں حکام نے سیکورٹی وجوہات کی بنا پر امرناتھ یاترا آج روک دی ہے۔ آئین کی دفعہ 370 کو منسوخ کئے جانے کو آج پانچ سال مکمل ہورہے ہیں۔  آکاشوانی جموں کے نامہ نگار نے بتایا ہے کہ انٹلیجنس کی اطلاعات کے مدنظر بھگوتی نگر بنیادی پڑاؤ سے یاترا معطل ہے۔ اخنور اور جموں کے دیگر سرحدی علاقوں میں سیکورٹی بڑھا دی  گئی ہے۔ اِدھر بی جے پی آج جشن منانے کیلئے آر-ایس-پورہ میں ایک بڑی ریلی کا اہتمام کررہی ہے، جس میں پارٹی کے لیڈر اور مرکزی وزیر جی-کشن ریڈی مہمان خصوصی ہوں گے۔