تلنگانہ سرکار نے مخنثوں کیلئے مخصوص سرکاری ملازمتوں اور سماجی بہبود کے پروگرام کا اعلان کیا ہے، جس کے تحت اِن افراد کو، ٹریفک بندوبست کی تربیت دی جائے گی اور اُن کا تقرر کیا جائے گا۔ ریاستی سرکار نے دعویٰ کیا ہے کہ مخنثوں کیلئے مخصوص سرکاری ملازمتوں کا، یہ ابھی تک کا پہلا پروگرام ہے۔ وزیراعلیٰ اے ریونت ریڈی کے اعلان کردہ اِس پروگرام کے مطابق، مخنث افراد کی شناخت اور تقرر کے بعد، اُنہیں حیدرآباد ٹریفک پولیس کی خصوصی تربیت دی جائے گی۔