بی جے پی کے سینئر لیڈر اور مرکزی وزیر داخلہ امت شاہ نے الزام لگایا ہے کہ عام آدمی پارٹی نے پچھلی ایک دہائی سے دلّی میں ایک آفت پیدا کر رکھی ہے۔ انھوں نے کہا کہ اِس مدت کے دوران، پورے ملک کی ترقی ہوئی لیکن دلّی کی ترقی کے سفر میں تنزلی آئی ہے۔ نئی دلّی میں آج جھگی بستی پردھان سمیلن کے موقع پر ایک جلسے سے خطاب کرتے ہوئے جناب شاہ نے کہا کہ عام آدمی پارٹی اور کانگریس دلّی کے عوام کا کبھی بھلا نہیں کرسکتے کیونکہ وہ صرف ووٹ بینک کی خاطر وعدے کر رہے ہیں۔ انھوں نے مزید کہا کہ دلّی میں BJP کی سرکار تشکیل ہونے کے بعد غریبوں کیلئے کوئی بھی فلاحی اسکیم رُکے گی نہیں۔
انھوں نے کہا کہ PM آواس اسکیم کے تحت اروند کجریوال کی وجہ سے، دلّی کو چھوڑ کر، ملک بھر کے تین کروڑ 58 لاکھ لوگوں کو گھر ملے ہیں۔ انھوں نے یقین دلایا کہ BJP حکومت Slums علاقوں میں ہر خاندان کو مستقل گھر فراہم کرے گی۔ انھوں نے 70 سال سے زیادہ کی عمر کے افراد کیلئے 10 لاکھ روپئے تک کے مفت میڈیکل تعاون اور 70 سال کی عمر سے کم کے افراد کیلئے 5 لاکھ روپئے تک کے میڈیکل تعاون کا وعدہ بھی کیا۔