لوک سبھا اور راجیہ سبھا کے ایس سی/ایس ٹی برادریوں سے تعلق رکھنے والے بی جے پی کے ممبران پارلیمنٹ نے آج پارلیمنٹ ہاؤس میں وزیر اعظم مودی سے ملاقات کی۔ اِن ممبران پارلیمنٹ نے ایس سی/ایس ٹی کیلئے اعلیٰ طبقے پر سپریم کورٹ کی رائے زنی کے تعلق سے مشترکہ طور پر ایک میمورنڈم سونپا۔ میٹنگ کے بعد میڈیا سے بات چیت کرتے ہوئے بی جے پی کے ممبر پارلیمنٹ بھولا سنگھ نے کہا کہ انہوں نے مطالبہ کیا ہے کہ اس حکم پر عمل نہیں کیا جانا چاہئے۔ انہوں نے کہا کہ وزیر اعظم نے انہیں یقین دہانی کرائی ہے کہ عدالت عالیہ کی یہ محض ایک رائے زنی ہے۔