بی جے پی صدر جے پی نڈّا ترواننت پورم میں ریاستی  بی جے پی کی توسیع شدہ مجلس عاملہ کی میٹنگ میں شرکت کیلئے آج کیرالہ کا دورہ کریں گے۔ پارٹی کے میڈیا کے قومی سربراہ انل بلونی نے کہاہے کہ لوک سبھا انتخابات کے بعد جناب نڈا کا کیرالہ کا یہ پہلا دورہ ہے۔ انہوں نے کہاکہ حالیہ لوک سبھا چناؤ میں بی جے پی نے نہ صرف کیرالہ میں سیٹ کے معاملے میں اپنا کھاتہ کھولا ہے بلکہ اُس کے ووٹنگ فیصد میں بھی نمایاں اضافہ ہوا ہے۔