بیڈمنٹن میں برمنگھم میں جاری آل انگلینڈ اوپن چیمپئن شپ کے پری کوارٹر فائنل میں آج کئی بھارتی کھلاڑی اپنے جوہر دکھائیں گے۔ مردوں کے سنگلز مقابلوں میں بھارت کے لکشیہ سین کا مقابلہ تیسری درجہ بندی کے حامل انڈونیشیا کے جوناتھن کرسٹی سے ہوگا۔

وہیں خواتین کے سنگلز مقابلوں میں عالمی درجہ بندی میں  28 ویں مقام پر فائز بھارت کی مالوکہ بنسوڑ کا سامنا تیسری درجہ بندی کی حامل جاپان کی Akane Yamaguchi  سے ہوگا۔

مردوں کے ڈبلز مقابلوں میں بھارت کے ستوِج سائی راج رنکی ریڈّی اور چراغ شیٹی کی جوڑی کا مقابلہ آج دوپہر Xie Hao Nan اور Zeng Wei Han کی جوڑی   سے ہوگا۔

خواتین کے ڈبلز مقابلوں میں ٹریسا جولی اور گائتری گوپی چند پر مشتمل بھارتی جوڑی کا مقابلہ آٹھویں درجہ بندی کی حامل جنوبی کوریا کی Kim Hye Jeong اور Kong Hee Yong کی جوڑی سے ہوگا۔

دوسری جانب مکسڈ ڈبلز میں بھارت کے روہن کپور اور Ruthvika Gadde کی جوڑی کا سامنا چین کی    Wei Ya Xin اور Feng yan Zhe کی جوڑی سے ہوگا۔ دیگر میچوں میں دو مرتبہ کی اولمپک میڈل یافتہ PV سندھو اور HS پرونائے، ٹورنامنٹ کے پہلے راؤنڈ میں ہی باہر   ہو گئے ہیں۔×