بیروت میں بھارتی سفارتخانے نے آئندہ اطلاع تک لبنان کا سفر نہ کرنے کی ایڈوائزری جاری کی ہے اور اسرائیل اور حزب اللہ کے درمیان جنگ کا دائرہ بڑھنے کے سبب بھارتی شہریوں سے وہاں سے چلے جانے کی اپیل کی ہے۔ سفارتخانے نے کہا ہے کہ جو لوگ کسی وجہ سے وہاں رہ جاتے ہیں اُنہیں انتہائی احتیاط برتنے، اپنی نقل وحرکت محدود کرنے اور سفارتخانے کے رابطے میں رہنے کا مشورہ دیا گیا ہے۔

لبنان پر اسرائیل کے حالیہ فضائی حملوں میں 50 بچوں سمیت 558 افراد ہلاک اور ایک ہزار 835 زخمی ہوئے ہیں۔ حزب اللہ نے اسرائیل پر جوابی کارروائی کے تحت راکٹ حملے کیے ہیں۔