بھارت کے کھلاڑیوں نے مختلف مقابلوں میں قابلِ ذکر کامیابیاں حاصل کی ہیں اور وہ آج بھی کئی دیگر مقابلوں میں حصہ لیں گے۔ اسکواش میں، بھارت کی آکانکشا Salunkhe نے فرانس میں Couzeix-2024 کے دوسرے انٹرنیشنل ویمین اوپن کے خواتین کے سنگلز کا ٹائٹل حاصل کیا۔ انہوں نے کل رات فائنل میں ملیشیا کی Yasshmita جدیش کمار کو ہرا کر یہ باوقار خطاب جیتا۔

کُشتی میں، بھارت کے ابھیشیک نے البانیا میں Tirana کے مقام پر 23 سال سے کم عمر کے کھلاڑیوں کی ورلڈ چیمپئن شپ 2024 میں کانسے کا تمغہ حاصل کیا۔ انہوں نے کل رات مردوں کے فری اسٹائل کے 61 کلو گرام زمرے میں یوکرین کے Maykyta اَبر ہموف کو تین-صفر سے شکست دے کر کانسے کا تمغہ حاصل کیا۔

ٹیبل ٹینس میں، بھارت کی Yashaswini گھورپڑے اور Krittwika رائے کی جوڑی، اٹلی میں Cagliari کے مقام پر جاری WTT فیڈر چیمپئن شپ میں خواتین کے ڈبلز کے فائنل میں پہنچ گئی ہے۔ آج رات خطابی مقابلے میں ان کا سامنا جنوبی کوریا کی Kim-Haeun اور Yoo-Siwod کی جوڑی سے ہوگا اور فٹبال میں، بھارت کی سینئر خواتین کی فٹبال ٹیم آج کاٹھمانڈو میں سیف چیمپئن شپ کے سیمی فائنل میں میزبان نیپال کا سامنا کرے گی۔×