انٹرنیشنل اولمپک کمیٹی کے ایگزیکٹیو بورڈ نے بھارت کے اولمپک میں سونے کا تمغہ جیتنے والے پہلے نشانے باز ابھینو بندرا کو اولمپک مومنٹ میں اُن کی غیرمعمولی خدمات کیلئے انہیں اولمپک آرڈر سے نوازنے کا فیصلہ کیا ہے۔ یہ ایوراڈ 10 اگست 2024 کو پیرس میں IOC کے 142 ویں اجلاس کے دوران دیاجائے گا۔ اولمپک آرڈر IOC کا سب سے اعلیٰ ایوارڈ ہے، جو کہ اولمپک مومنٹ میں غیرمعمولی کارکردگی کیلئے دیا جاتا ہے۔

41 سالہ بندرا نے 2008 کے بیجنگ کھیلوں میں مردوں کا دس میٹر ایئررائفل کا مقابلہ جیتا تھا اور وہ اولمپک گولڈ میڈل جیتنے والے پہلے بھارتی نشانے باز بن گئے تھے۔ بندرا 2018 کے بعد سے IOC ایتھلیٹ کمیشن کے ایک رکن بھی رہے ہیں۔

نوجوانوں کے امور اور کھیلوں کے مرکزی وزیر ڈاکٹر منسکھ Mandaviya نے اِس اعزاز کیلئے بھارتی نشانے باز ابھینو بندرا کو مبارکباد دی ہے۔ انہوں نے ایک سوشل میڈیا پوسٹ میں کہاکہ اُن کے اِس کارنانے نے ملک کا نام روشن کیا ہے۔