بھارت کا انتخابی کمیشن اِس ماہ کی بارہ اور تیرہ تاریخ کو ہریانہ کا دورہ کرے گا۔ وہ آئندہ انتخابات کی تیاریوں کا جائزہ لے گا۔ ہریانہ کے اعلیٰ انتخابی افسر پنکج اگروال نے بتایاکہ بھارت الیکٹرانکس لمٹیڈ کے انجینئرس ریاست کے تمام 22 ضلعوں میں الیکٹرانکس ووٹنگ مشینوں کی پہلی سطح کی چیکنگ کر رہے ہیں۔ سبھی ضلع چناؤ افسران اِس بات کو یقینی بنائیں گے کہ ریاست میں تمام تسلیم شدہ سیاسی پارٹیوں کے نمائندے چیکنگ کے دوران موجود رہیں۔

اعلیٰ انتخابی افسر نے یہ بھی بتایاکہ اِس سال کے    اسمبلی انتخابات کیلئے 817 نئے پولنگ بوتھ قائم کیے گئے ہیں   جس سے ریاست میں پولنگ بوتھوں کی کُل تعداد 20 ہزار 629 ہوجائے گی۔