ہاکی میں میزبان بھارت نے راج گیر میں جاری خواتین کی ایشیائی چمپئنس ٹرافی میں آج شام اپنے چوتھے مقابلے میں چین کو صفر کے مقابلے تین گول سے ہراکر اس ٹورنامنٹ میں کوئی بھی میچ نہ ہارنے کا اپنا ریکارڈ برقرار رکھا ہے۔ اِس جیت کے ساتھ بھارت چین پر سبقت لیتے ہوئے ایک کے بعد ایک چار مقابلے جیت کر ٹورنامنٹ میں سرفہرست آگیا ہے۔ چین کی شروعات مضبوط رہی لیکن اس کے باوجود وہ اس چمپئن شپ میں اپنا پہلا میچ ہار گیا۔ کَل بھارت کا مقابلہ جاپان سے، چین کا مقابلہ جنوبی افریقہ سے جبکہ ملیشیا کا تھائی لینڈ سے ہوگا۔