بھارت نے بھوٹان کے ساتھ قریبی دوستانہ تعلقات کا اعادہ کیاہے اور بھوٹان کی حکومت اور اس کے عوام کی ترجیحات کے مطابق دوطرفہ تعلقات کو مزید مستحکم کرنے کے پختہ عزم کا وعدہ کیا ہے۔ بھوٹان کی ترقی کے مقصد کیلئے خیرسگالی کے یہ جذبات خارجہ سکریٹری وکرم مسری نے کل تھیمپو میں بھوٹان کے وزیراعظم شیرنگ توبگے کو پہنچائے۔ جناب مسری نے بھوٹان کے وزیرخارجہ D N Dhungyel سے بھی ملاقات کی۔ انہوں نے باہمی دلچسپی کے دوطرفہ امور اور تمام شعبوں میں مثالی باہمی تعلقات کو مزید مضبوط بنانے کے طور طریقوں پر تبادلہ خیال کیا۔ خارجہ سکریٹری مسری بھوٹان کے دو روزہ سرکاری دورے پر کل تھیمپو پہنچے۔