کرکٹ میں، کانپور کے گرین پارک اسٹیڈیم میں بنگلہ دیش کے ساتھ دوسرے ٹیسٹ میچ کے آج چوتھے دن بھارت نے اپنی پہلی اننگز میں ایک وکٹ پر 66  رن بنا لئے تھے۔ اِس سے پہلے بنگلہ دیش نے آج صبح تین وکٹ پر 107 رن سے آگے کھیلنا شروع کیا اور اس کی پوری ٹیم اپنی پہلی اننگز میں 233 رن بناکر آؤٹ ہوگئی۔ کل میدان گیلا ہونے کی وجہ سے تیسرے دن کھیل نہیں ہوسکا تھا جبکہ اِس سے پہلے دوسرے دن بھی لگاتار بارش ہونے کی وجہ سے کھیل نہیں ہوسکا تھا۔