کرکٹ میں بھارت اور بنگلہ دیش کے درمیان کانپور میں ہونے والے دوسرے ٹیسٹ کے تیسرے دن کا کھیل، میدان گیلا ہونے کی وجہ سے نہیں ہوسکا۔ ٹیسٹ کے دوسرے دن بھی بارش کی وجہ سے کھیل نہیں ہوسکا تھا۔
دوسرے ٹیسٹ کے پہلے دن بنگلہ دیش نے ٹاس ہار کر پہلے بلے بازی کرتے ہوئے 3 وکٹ پر 107 رن بنائے تھے، جبکہ مومن الحق اور مشفق الرحیم کریز پر تھے۔ بھارت، چنئی میں پہلا میچ 280 رن سے جیتنے کے بعد دو میچوں کی سیریز میں ایک- صفر سے آگے ہے۔