بھارتی محکمہ موسمیات نے شمال مشرق اور متصل مشرقی بھارت میں اگلے دو سے تین روز کے دوران بہت زوردار بارش کی پیشگوئی کی ہے۔

IMD نے کہا ہے کہ اس طرح کے حالات ذیلی ہمالیالی مغربی بنگال، اروناچل پردیش اور سکم میں کل تک جبکہ آسام، میگھالیہ، اڈیشہ، ناگالینڈ، منی پور، میزورم اور تریپورہ میں اس مہینے کی 13 تاریخ تک برقرار رہیں گے۔ گوا، مدھیہ مہاراشٹر، کرناٹک، گجرات اور کیرالہ میں بھی اگلے چار روز کے دوران کچھ اسی طرح کے حالات رہیں گے۔شمالی اور وسطی بھارت میں  مدھیہ پردیش، مشرقی اترپردیش، اتراکھنڈ، ہماچل پردیش، مغربی اترپردیش، جموں، ہریانہ اور پنجاب میں اگلے دو سے تین روز کے دوران زوردار بارش ہوگی۔