بھارتی فضائیہ کے کمانڈروں کی ہر دو سال میں ہونے والی تین روزہ کانفرنس اس وقت نئی دلّی میں جاری ہے۔ وزیر دفاع راج ناتھ سنگھ نے آج کانفرنس سے خطاب کیا، جس میں فضائیہ کے سربراہ، ایئر چیف مارشل امر پریت سنگھ بھی موجود تھے۔ کانفرنس میں بھارتی فضائیہ کی آپریشنل تیاریوں کا جائزہ لینے پر توجہ مرکوز کی گئی ہے، جس میں شمالی سرحدوں پر موسم سرما کی کارروائیوں پر خصوصی طور پر زور دیا گیا ہے۔ اعلیٰ کمانڈر، فوس کی صلاحیتوں اور تیاریوں میں اضافے کیلئے اسٹریٹیجک اور آپریشنل منصوبوں پر تبادلہئ خیال کررہے ہیں۔ کانفرنس کَل اختتام پذیر ہوگی۔