وادی کشمیر کے بارہمولہ ضلعے میں کنٹرول لائن سے متصل اُڑی علاقے میں سیکیورٹی فورسز کے ساتھ مڈبھیڑ میں ایک مسلح دہشت گرد ہلاک ہوگیا۔ پولیس نے بتایا ہے کہ دراندازی کی ایک کوشش کے تحت مشتبہ نقل و حرکت دیکھے جانے کے بعد سکیورٹی فورسز نے دہشت گردوں کو للکارا۔ دہشت گردوں نے تب اندھا دھند فائرنگ شروع کردی۔ جوابی کارروائی میں ایک دہشت گرد ہلاک ہوگیا۔ مارے گئے  دہشت گرد کی شناخت کی جا رہی ہے۔ سیکیورٹی فورسز نے تصادم کی جگہ سے ایک اے۔کے۔رائفل، دو اے۔کے۔میگزین، 57 اے۔کے۔راؤنڈس گولیاں، دو پستول، تین پستول میگزین اور دیگر جنگی سازوسامان برآمد کیا ہے۔x