بارش کے پانی کی ہر بوند کو بچانے کے لیے ”جل گنگا سنوردھن مہا ابھیان“ (پانی کی بچت مہم) مدھیہ پردیش میں آج گڑی پاڑوا کے موقع پر شروع کی جائے گی۔ وزیر اعلیٰ ڈاکٹر موہن یادو اُجین میں دریائے Kshipra میں اس مہم کا باقاعدہ افتتاح کریں گے۔ یہ مہم 30 جون کو اختتام پذیر ہوگی۔

مزید تفصیل ہمارے نامہ نگار سے

V/C – Pooja Vardhan

ریاست گیر مہم 90 دنوں سے زیادہ جاری رہے گی۔ اس اقدام کا مقصد زیر زمین پانی کی سطح کو بہتر بنانا اور پانی کی بچت کے بارے میں بیداری کو فروغ دینا ہے۔ وزیر اعلیٰ ڈاکٹر موہن یادو نے میڈیا سے بات کرتے ہوئے کہا کہ  وزیر اعظم نریندر مودی کی ملک گیر پانی کی بچت مہم ایک عوامی تحریک میں تبدیل ہو گئی ہے اور مدھیہ پردیش سرکار پانی، جنگلات اور جنگلی حیات کے تحفظ کے لیے پُر عزم ہے۔ یہ مہم بارش کے پانی کی ذخیرہ اندوزی، آبی وسائل کے احیاء، کمیونٹی کی شراکت داری، پانی کی بچت کے لیے نرمدا پری کرما پتھ کی شناخت اور مختلف مقامات پر ”پانی چوپال“ پر توجہ مرکوز کرے گی۔ 12 سے زیادہ محکمے بشمول آبی وسائل، نرمدا ویلی ترقیاتی اتھارٹی پبلک ہیلتھ انجینئرنگ آبی ذخائر کے احیاء میں تعاون کریں گے۔