ایران کی جانب سے اسرائیل پر اس ماہ کے اوائل میں میزائل حملے کے بعد اسرائیل نے آج صبح ایران کے خلاف مخصوص علاقوں کو نشانہ بناتے ہوئے فضائی حملے کئے، جس کے بعد علاقائی کشیدگی مزید بڑھ گئی ہے۔ ایرانی فوج نے اس بات کی تصدیق کی ہے کہ ان حملوں میں دو فوجی ہلاک ہوگئے ہیں۔ یہ حملے تین صوبوں میں فوجی تنصیبات کو نشانہ بناتے ہوئے کئے گئے تھے۔
اسرائیل کی دفاعی افواج کے مطابق فضائی کارروائی میں تقریباً 20 تنصیبات کو نشانہ بنایا گیا تھا، جن میں تہران، Khuzestan اور Ilam صوبوں میں زمین سے فضا میں وار کرنے والے میزائل کی مینوفیکچرنگ کے مراکز بھی شامل ہیں۔ ایران کے حکام نے اطلاع دی ہے کہ ان کے فضائی دفاعی نظام نے اسرائیل کے کئی حملوں کو ناکام بنا دیا۔ البتہ کچھ علاقوں میں محدود نقصان ہوا ہے۔
فوجی ترجمان Daniel Hagari نے انتباہ دیا ہے کہ اگر ایران کی جانب سے اب کوئی جوابی کارروائی کی جاتی ہے تو اسرائیل کو مجبوراً اس کے خلاف مزید کارروائی کرنی پڑے گی۔ البتہ IDF نے اعلان کیا ہے کہ یہ مخصوص کارروائی اب مکمل ہوچکی ہے۔ حملوں کی نوعیت اس بات کی طرف اشارہ کرتی ہے کہ دونوں ملک مزید کشیدگی سے گریز کریں گے۔
اومان، قطر اور بحرین سمیت مشرقِ وسطیٰ کے بہت سے ممالک نے اسرائیل کے حملوں کی مذمت کی ہے۔ عراق نے اسرائیل کی فوجی کارروائی کی سخت مذمت کی ہے اور ایران کے ساتھ یکجہتی کا اظہار کیا ہے۔ اسرائیل کی جانب سے ان اطلاعات کے بعد کہ ایران کی پشت پناہی والے ملیٹنٹ گروپ حزب اللہ نے سنیچر کو اسرائیلی کمیونٹیز کی طرف تقریباً 80 راکٹ داغے۔ اس تناظر میں صورتحال مسلسل غیر یقینی بنی ہوئی ہے۔