اعلیٰ انتخابی کمشنر راجیو کمار کی سربراہی میں چناؤ کمیشن کی ٹیم مرکز کے زیرانتظام علاقے جموں وکشمیر میں اسمبلی انتخابات کی تیاریوں کا جائزہ لینے کیلئے دو دن کے دورے پر گئی ہوئی ہے۔ اِس میں انتخابی کمشنر گیانیش کمار اور ڈاکٹر SS Sandhu بھی شامل ہیں۔

انتخابی کمیشن کے عہدیدار آج جموں وکشمیر کے چیف سکریٹری اور ڈائریکٹر جنرل پولیس کے ساتھ میٹنگ کریں گے اور بعد میں ایک پریس کانفرنس سے خطاب کریں گے۔

چناؤ کمیشن کی ٹیم نے کَل مختلف فریقوں کے ساتھ تفصیلی تبادلہئ خیال کیا، جس میں قومی اور جموں وکشمیر کی تسلیم شدہ سیاسی پارٹیوں کے نمائندے شامل تھے۔

اِس کا مقصد انتخابی عمل میں اُن کی سرگرم شمولیت کو فروغ دینے کی خاطر اُن کی رائے معلوم کرنا اور اُن کے خیالات کو سمجھنا ہے۔

اِس سے قبل انتخابی کمیشن نے انتخابات کے انعقاد کیلئے اہمیت کے حامل انتظامی اور سکیورٹی انتظامات پر تبادلہئ خیال کیلئے ضلع چناؤ افسروں اور پولیس سپرنٹنڈنٹ صاحبان کے ساتھ چناؤ تیاریوں کا جائزہ لیا۔