انتخابی کمیشن نے مہاراشٹر کی ڈائریکٹر جنرل پولیس رشمی شکلا کا فوری طور سے تبادلہ کئے جانے کا حکم دیا ہے اور مہاراشٹر کے چیف سکریٹری کو یہ ہدایت دی ہے کہ اُن کی ذمے داری متعلقہ کیڈر میں اگلے سب سے سینئر IPS افسر کے سپرد   کی جائے۔ چیف سکریٹری کو یہ ہدایت بھی دی گئی ہے کہ وہ کَل دوپہر ایک بجے تک نئے DGP کے تقرر کیلئے تین IPS افسروں کے پینل کے ناموں کی فہرست پیش کریں۔کانگریس اور شیوسینا UBT سمیت اپوزیشن پارٹیوں نے  اعلیٰ انتخابی کمشنر کو شکایت پیش کی تھی، جس میں محترمہ رشمی شکلا پر جانبدارانہ رویہ اختیار کرنے کا الزام لگایا گیا تھا۔اِن پارٹیوں نے اُنہیں ریاستی پولیس کے سربراہ کے عہدے سے ہٹانے کی درخواست کی تھی۔