انتخابی کمیشن نے مثالی ضابطہئ عمل کی خلاف ورزیوں کی شکایات کے تناظر میں بی جے پی اور کانگریس کو علیحدہ علیحدہ نوٹس بھیجے ہیں۔ مہاراشٹر اور جھارکھنڈ میں جاری اسمبلی انتخابات میں بی جے پی اور کانگریس کی جانب سے ایک دوسرے کے خلاف شکایات کے پیش نظر آج انتخابی کمیشن نے بی جے پی صدر جے پی نڈا اور کانگریس صدر ملکاارجن کھڑگے کو علیحدہ علیحدہ مراسلے بھیجے ہیں۔ دونوں پارٹیوں نے جھارکھنڈ اور مہاراشٹر اسمبلی انتخابات کیلئے چناؤ مہم کے دوران ایک دوسرے کے سرکردہ لیڈروں پر مثالی ضابطہئ عمل کی خلاف ورزی کرنے کے الزامات لگائے تھے۔ انتخابی کمیشن نے دونوں پارٹیوں سے پیر کو دوپہر ایک بجے تک باضابطہ طور پر جوابات دینے کو کہا ہے۔