انتخابی کمیشن نے مرکزی اور قانون نافذ کرنے والی ایجنسیوں کو واضح کر دیا کہ آنے والے جھارکھنڈ اسمبلی انتخابات کے دوران پیسوں کی طاقت کے استعمال کو ہرگز برداشت نہیں کیا جائے گا۔

چیف انتخابی کمشنر راجیو کمار کی قیادت والی انتخابی کمیشن کی ٹیم نے جھارکھنڈ میں انتخابی تیاریوں کا جائزہ لیا اور سیاسی جماعتوں کے ساتھ میٹنگ کی، ساتھ ہی سیکیورٹی فورسز اور دوسرے فریقوں سے بھی تبادلہئ خیال کیا گیا۔ بعد میں رانچی میں نامہ نگاروں سے گفتگو کرتے ہوئے جناب راجیو نے کہا کہ لالچ سے پاک انتخابات کو یقینی بنانے کیلئے متعلقہ ایجنسیوں کو ہدایات جاری کر دی گئی ہیں۔ انتخابی کمیشن نے قانون نافذ کرنے والی ایجنسیوں کو اپنے راستوں کو قطعی شکل دینے کی ہدایت دی تاکہ غیر قانونی شراب، نقد رقم اور منشیات کے استعمال کو روکا جاسکے۔X