انتخابی کمیشن نئی دلّی میں آج سے سبھی ریاستوں اور مرکز کے زیر انتظام علاقوں کے اعلیٰ چناؤ افسروں کی دو روزہ کانفرنس منعقد کر رہا ہے۔ گیانیش کمار کی جانب سے اعلیٰ انتخابی کمشنر کی ذمہ داری سنبھالنے کے بعد سے اِس طرح کی یہ پہلی کانفرنس ہے۔ اِس دوروزہ کانفرنس میں ریاستوں اور مرکز کے زیرانتظام علاقوں کے چناؤ افسروں کو ایک دوسرے کے تجربات سے سیکھنے اور تفصیلی غورو فکر کا موقع ملے گا۔ کانفرنس کے دوران انتخابات کے بندوبست کے اہم شعبوں میں کئی موضوعات پر تبادلہئ خیال کیا جائے گا۔ اِن میں IT نظام، مؤثر مواصلات، چناؤ عمل میں مختلف عہدیداروں کے آئینی رول اور سوشل میڈیا کی رسائی بڑھانے کے امور شامل ہیں۔