امریکی فیڈرل ریزرو نے شرح سود کو پانچ اعشاریہ دو پانچ فیصد سے پانچ اعشاریہ پانچ فیصد پر برقرار رکھا ہے اور یہ اشارہ دیا ہے کہ شرح سود میں ستمبر میں کمی ہوسکتی ہے۔ فیڈ کی پالیسی ترتیب دینے والے ادارے فیڈرل اوپن مارکیٹ کمیٹی نے اپنی تازہ ترین دو روزہ پالیسی میٹنگ کو معیاری شرح سود کو مستحکم رکھنے کے فیصلے کے ساتھ ختم کی، جو ایک سال پہلے مقرر کی گئی تھی۔ کمیٹی نے کَل رات ایک بیان میں کہا کہ اُسے توقع نہیں ہے کہ ہدف کی حد کو کم کرنا مناسب ہوگا، جب تک کہ اسے زیادہ اعتماد حاصل نہ ہوجائے کہ مہنگائی مستقل طور پر دو فیصد کی جانب بڑھ رہی ہے۔ اس بیان میں مزید کہا گیا ہے کہ کمیٹی ٹریزری تمسکات اور ایجنسی کے قرضوں اور ایجنسی کے رَہن کی حمایت یافتہ تمسکات کی اپنی ہولڈنگ کو کم کرتی رہے گی۔×