امریکہ کے سابق صدر اور ریپبلکن پارٹی کی طرف سے صدارتی امیدوار ڈونلڈ ٹرمپ نے وزیراعظم نریندرمودی کی یہ کہہ کر تعریف کی ہے کہ وہ ایک بہترین انسان ہیں۔ انہوں نے کہاہے کہ بھارت کا یہ رہنما، ایک دوست ہے۔ جناب ٹرمپ نے یہ رائے زنی ایک پوڈکاسٹ کے دوران ایک سوال کے جواب میں کی ہے۔یہ پوڈ کاسٹ کل رات اپ لوڈ کی گئی ہے۔

جناب ٹرمپ نے 2019 میں وزیراعظم مودی کے ہوسٹن کے دورے کو یاد کیا، جب انہوں نے Howdy Modi میں شرکت کی تھی۔ انہوں نے کہا کہ اُس وقت ایسا لگ رہا تھا جیسے 80 ہزار لوگ دیوانے ہوگئے ہیں۔ انہوں نے کہا کہ جناب مودی کے ساتھ اُن کے بہت اچھے تعلقات ہیں۔