امریکہ نے طالبان کی تین شخصیات پر رکھے گئے انعامات ختم کر دیئے ہیں۔ اِن میں وزیر داخلہ سراج الدین حقانی بھی شامل ہیں، جو ایک طاقتور نیٹ ورک کے سربراہ بھی ہیں اور جن پر افغانستان کی سابق مغربی حمایت یافتہ حکومت کے خلاف حملوں کا الزام ہے۔ وزارت داخلہ کے ترجمان عبدالمتین قانی نے آج کہا کہ امریکی حکومت نے عبدالعزیز حقانی اور یحییٰ حقانی پر رکھے گئے انعامات کو بھی منسوخ کر دیا ہے۔ نامہ نگاروں سے گفتگو کرتے ہوئے انہوں نے کہا کہ اِن تینوں افراد دو بھائی اور ایک پھوپھی زاد بھائی ہیں۔ وزارت خارجہ کے عہدیدار، ذاکر جلالی نے کہا کہ طالبان کی جانب سے جمعہ کو امریکی قیدی جارج Glezmann کی رہائی اور امریکہ کی جانب سے طالبان شخصیات پر انعامات کے خاتمے سے ظاہر ہوتا ہے کہ دونوں فریق جنگ کے وقت کے اثرات سے آگے بڑھ رہے ہیں اور دو طرفہ تعلقات میں پیش رفت کیلئے تعمیری اقدامات کر رہے ہیں۔