امداد باہمی اور داخلی امور کے مرکزی وزیر امت شاہ نے گنے سمیت مکئی، ٹوٹے ہوئے چاول، بچے کھچے پھل اور بانس جیسے ذرائع کا استعمال کرکے ایتھنول کی پیداوار کی خاطر کثیر رخی اور مستقبل کیلئے طریقہئ کار اختیار کرنے پر زور دیا ہے۔
آج نئی دلّی میں چینی سے متعلق کوآپریٹو فیکٹریوں کی قومی فیڈریشن کی تقریب سے خطاب کرتے ہوئے جناب شاہ نے کہا کہ ایتھنول کی پیداوار ایک منافع بخش اور پھلنے پھولنے والا کاروبار ہے اور آئندہ کچھ برسوں میں ملک کو ایک ہزار کروڑ لیٹر ایتھنول کی ضرورت ہوگی۔ جناب شاہ نے کہا کہ حکومت نے 2030 تک پیٹرول میں 20 فیصد ایتھنول کی آمیزش کا ہدف رکھا ہے۔