الیکٹرانکس اور اطلاعاتی ٹیکنالوجی کے مرکزی وزیر اشونی ویشنو نے آج اِس بات کو اجاگر کیا کہ مجوزہ ڈیجیٹل پرسنل ڈیٹا کے تحفظ سے متعلق قوانین 2025 میں شہریوں کے ڈیٹا اور اُن کے حقوق کے تحفظ کیلئے ضابطے موجود ہیں۔ آکاشوانی نیوز سے ایک خصوصی انٹرویو میں وزیر موصوف نے کہا کہ مجوزہ قوانین تین اہم نکات پر مشتمل ہیں۔ یہ ہیں: شہریوں کے پرسنل ڈیٹا کے تحفظ سے متعلق ضابطے، بچوں کو درپیش ڈیجیٹل خطرات کی روک تھام سے متعلق اقدامات اور وہ ضابطے جن کے تحت شہری آسانی سے اپنے حقوق کا استعمال کرسکیں۔
جناب ویشنو نے کہا کہ یہ قوانین عملی اور متوازن ہیں۔ انھوں نے کہا کہ حکومت نے بھارت کے اختراعی ایکو نظام اور اپنے شہریوں کے حقوق کے تحفظ کے درمیان توازن برقرار رکھنے کی کوشش کی ہے۔