الیکشن کمیشن نے زور دے کر کہا ہے کہ مہاراشٹر میں ووٹنگ کے تمام طریقہ کار شفاف تھے اور یقین دلایا ہے کہ وہ کانگریس پارٹی کے ذریعے اٹھائے گئے تمام جائز تشویشوں کا جائزہ لے گی۔ آج اپنے عبوری جواب میں کمیشن نے تشویشوں پر تبادلہ خیال کیلئے 3 دسمبر کو کانگریس پارٹی کے ایک وفد کو مدعو کیا ہے۔ کمیشن نے اس بات کا اعادہ کیا ہے کہ انتخابی عمل شفاف تھا جس میں ہر سطح پر امیدوار اور اُس کے ایجنٹ شامل تھے۔ اُس نے زور دے کر کہا ہے کہ تمام سیاسی پارٹیوں کے ساتھ مل کر شفاف طریقے سے انتخابی فہرست کو نئے سرے سے تیار کرنے کام کیا گیا تھا۔ ووٹروں کا ووٹنگ کے عمل میں شامل ہونے کے اعداد وشمار پر انتخابی کمیشن نے کہا کہ اس میں کوئی خامی نہیں تھی اور اعداد وشمار پولنگ اسٹیشن کے حساب سے امیدواروں کے پاس موجود تھے۔